Bizi Facebook`da izləyin

20 saniyəyə bağlanır... Bağla

Haqqımızda

Əlaqə



"Əgər iki Azərbaycan klubu Londonda üz-üzə gəlsəydi, hər hansı problem olmadan oynayardılar" UEFA prezidenti

“Mən ilk dəfə UEFA prezidenti seçiləndə 76 faiz səs topladım. Amma İngiltərə məni dəstəkləmədi. Onlar başqa namizədə səs verdilər”.

Dərc edilib: 15 iyun 2019 [11:45]
Baxış sayı: 21083

İnterpress.az-ın məlumatına görə, bunu UEFA-nın prezidenti Aleksander Çeferin deyib.

Qurum başçısı Avropa Liqasının mayın 29-da Bakıda keçirilən final oyununun İngiltərədə narazılıq doğurmsına münasibət bildirib. O qeyd edib ki, problem futbolun yaradıcıları ilə bağlıdır: “İngiltərə klubları varsa və narazı qalırsa, buna qəzəblənirlər. Bununla futbolun Avropadakı populyarlığına kömək edə bilməzsiniz. Məndən finalın niyə Bakıda keçirildiyini soruşsanız, cavabım belə olar ki, orda da insanlar yaşayır. Onlar şüurlu insanlardır. Bu adamlar saat fərqinə görə finalı axşam saat 11-də izləməli idilər. Amma bundan şikyətlənmirdilər”.

“Çelsi” və “Arsenal” arasında oyunun Bakıda keçirilməsini dəstəkləyən A.Çeferin vurğulayıb ki, Azərbaycan klublarının Londonda oynaması da mümkündür: “Əgər iki Azərbaycan klubu Londonda üz-üzə gəlsəydi, heç kim şikayətlənməzdi. Onlar gəlib hər hansı problem olmadan oynayardılar. Biz finalın ev sahibliyini ilyarım əvvəl Bakıya vermişdik. Oradakı müasir stadion 70 min tamaşaçı tutumuna malikdir. Düşünürəm ki, İngiltərədə yalnız bir stadion daha böyükdür. Bəyəndikləri superulduzları canlı görən insanların xoşbəxtliyini görmək lazımdır. Biz futbolu İngiltərə və Almaniyada deyil, hər yerdə inkişaf etdirməliyik”.

UEFA prezidenti Avropa Liqasında fərqli, Çempionlar Liqasının finalı barədə eyni cür düşünmür: “Çempionlar Liqasının final oyunu yalnız böyük stadionlarda keçirilməlidir. Hətta daim 4-5 arenada oynanılmalı olsa belə bunu etməliyik. Amma Avropa Liqası və başqa turnirləri futbolu sevən digərləri ilə bölmək lazımdır”.

Qeyd edək ki, Bakı Olimpiya Stadionunda keçirilən qarşılaşmada 4:1 hesabı ilə qalib gələn “Çelsi” tarixində ikinci dəfə bu turnirin kubokuna sahib çıxıb.


İnterpress.az






Oxşar xəbərlər

"BAKUBUS" lardan razısınız?


Cəmi səslər: 201