İnterpress.az xəbər verir ki, “Paytaxt” şirkətinin ofisində toplaşan “qanuni oğru”lar Ded Xasanın klanını təmsil edib. Saxlanan “oğru”lar Turik, Voskres, Zabav, Şikaç və Teko olub. Onlar Kazandakı vəziyyəti müzakirə etməyə toplaşdıqlarını bildiriblər. Ötən il Kazanda Ded Xasan klanına daxil olan Şişkan, Muxa, Pan, Kostıldan başqa müstəqil fəaliyyət göstərən Roma adlı şəxs də peyda olub.
Polisin basqından qısa müddət öncə şirkətin ofisindən tanınmış “oğru” Piquç daxil olmaqla bir qrup “kriminal generalın” çıxdığı bildirilir. Onlar “Loto Plaza” ticarət mərkəzində yerləşən və elit məkan hesab olunan, azərbaycanlılara məxsus olduğu bildirilən “Zafarenno” restoranına toplaşıblar. Orda Piquçla bir yerdə Racik və Maçik də olub. Axtarış zamanı Maçikdən narkotik də tapılıb.
İnterpress.az
