Bizi Facebook`da izləyin

20 saniyəyə bağlanır... Bağla

Haqqımızda

Əlaqə



"Equinor" bu ilin IV rübündə "Qarabağ" yatağında ilk qiymətləndirici quyunun qazmasına başlaya bilər

Norveçin "Equinor" şirkəti bu ilin IV rübündə Xəzərin Azərbaycan sektorunda yerləşən "Qarabağ" yatağında ilk qiymətləndirici quyunun qazmasına start verə bilər.

Dərc edilib: 5 iyul 2019 [15:44]
Baxış sayı: 20482

Bu barədə "APA-Economics"ə Azərbaycanda neft-qaz sektorunda çalışan etibarlı mənbə bildirib.

Qeyd edək ki, bu ilin martında "Caspian Drilling Company Ltd" (CDC) və Equinor ("Equinor Azerbaijan Karabagh BV") şirkətləri arasında qazma əməliyyatlarının aparılmasına dair müqavilə imzalanıb.

Müqavilə şərtlərinə əsasən, "Equinor"un layihə əməliyyatçısı olduğu və SOCAR ilə birgə işlənməsi nəzərdə tutulan "Qarabağ" yatağında CDC tərəfindən iki quyu qazılacaq. "Equinor" və SOCAR "Qarabağ" yatağının işlənməsi üzrə layihədə bərabər paylarla yarı-yarıya iştirak edirlər.

İlk quyu "Dədə Qorqud" yarımdalma qazma qurğusunun reaktivasiyasından sonra qazılacaq.

Mənbənin sözlərinə görə, "Dədə Qorqud" qazma qurğusunun reaktivasiyası bu ilin sentyabrında başa çatacaq.

“Qarabağ” yatağından ilk məhsulun 2020-2021-ci illərdə əldə olunması proqnozlaşdırılır.

Xatırladaq ki, “Qarabağ” yatağının işlənməsi ilə əlaqədar Risk Xidməti” (RXS) Sazişi 2018-ci il mayın 30-da SOCAR-la "Equinor" şirkətləri arasında imzalanıb.

“Qarabağ” perspektivli dəniz strukturu kimi 1959-cu ildə seysmik kəşfiyyat işləri nəticəsində aşkar edilib, 1984-cü ildə dəqiqləşdirilib və 1997-1998-ci illərdə kəşfiyyat qazması nəticəsində neft-qazlılığı təsdiqlənib. Yataq Bakıdan şərq istiqamətində 120 kilometr aralı, açıq dənizin 150-200 metr dərinliyində yerləşir


İnterpress.az






Oxşar xəbərlər

"BAKUBUS" lardan razısınız?


Cəmi səslər: 188