İnterpress.az xəbər verir ki, rayonun Qələdüz kəndi ərazisində qeydə alınan hadisə zamanı toy karvanında hərəkətdə olan \”Niva\” markalı avtomobillə əks tərəfdən gələn \”VAZ 2107\” markalı avtomobil toqquşub.
Qəza zamanı xəsarət alanlar – rayonun Üçgün kənd sakinləri 1966-cı il təvəllüdlü Qənbər Babayev, 1966–cı il təvəllüdlü Sahibə Babayeva, Küpçal kənd sakinləri Sənubər Səfərova, 1984-cü il təvəllüdlü Alim Qədirov və Qələdüz kənd sakinləri Təranə Əlixanova, 1992-cı il təvəllüdlü Tərlan Əlimirzəyev Quba Rayon Mərkəzi Xəstəxanasına çatdırılıblar.
Xəsarətləri yüngül olan Sahibə Babayeva ilkin tibbi yardımdan sonra evə buraxılıb. Digər 5 nəfərin müalicəsi xəstəxanada davam etdirilir.
Faktla bağlı araşdırma aparılır.
İnterpress.az
