Bizi Facebook`da izləyin

20 saniyəyə bağlanır... Bağla

Haqqımızda

Əlaqə



İranın Zahedan şəhərində 1 tondan çox narkotik vasitə müsadirə edilib

İranın Zahedan şəhəri yaxınlığında polis qüvvələri və narkotik vasitələrin qaçaqmalçılığı ilə məşğul olan silahlı qrup arasında insident baş verib.

Dərc edilib: 29 avqust 2019 [15:32]
Baxış sayı: 3728

İnterpress.az xəbər verir ki, silahlı insident zamanı bir qaçaqmalçı məhv edilib, biri isə yaralı olaraq yaxalanıb. Şəhərin polis rəisi Məhəmməd Qənbəri bildirib ki, əməliyyat nəticəsində bir polis əməkdaşı ağır yaralanıb. Onun sözlərinə görə, operativ məlumat əsasında Pakistandan gələn avtomobilə baxış keçirilib və 1 ton 183 kiloqram narkotik vasitə aşkarlanıb. Baxış zamanı qaçaqmalçılar silahlı müqavimət göstəriblər.

Rəis nəzərə çatdırıb ki, İranın Sistan-Bəlucistan vilayəti Əfqanistan və Pakistanla sərhəddə yerləşir. Demək olar ki, hər gün qaçaqmalçılar bu ölkələrdən İran ərazisinə qanunsuz olaraq narkotik vasitələr keçirməyə cəhd edirlər. Polis və sərhəd xidmətinin səyləri ilə bu cəhdlərin qarşısı alınır. (azərtac)

İnterpress.az






Oxşar xəbərlər

"BAKUBUS" lardan razısınız?


Cəmi səslər: 179