Bizi Facebook`da izləyin

20 saniyəyə bağlanır... Bağla

Haqqımızda

Əlaqə



“Nar”ın uşaqların üzündə yaratdığı təbəssüm - Fotolar

"Nar" birinci sinfə gedən balacaları sevindirdi

Dərc edilib: 19 sentyabr 2019 [13:13]
Baxış sayı: 4718

İlk dərs gününün özəlliyi bir başqadır, hətta dərs oxumağı sevməyən şagirdlər belə, məktəbə sevinə-sevinə gedir. Hələ məktəbə ilk dəfə qədəm qoyanların üzündəki sevinci isə yəqin ki, hər kəs təsəvvür edə bilir. Hələ sənin gözləmədiyin anda hədiyyə veriləndə, bu sevinc ikiqat artır. "Bilik Günü”ndə "Nar”ın Cəlilabad rayon Təzəkənd kənd məktəblilərinin görüşünə getməsi, onların sevincinə sevinc qatdı. Bütün məktəb ləvazimatları ilə dolu məktəbli çantasını görən birincilərin gözündə böyük sevinc və təbəssüm yarandı.

“Nar”ın uşaqların üzündə yaratdığı təbəssüm - Fotolar


"Nar” əməkdaşları birincilərin təhsilə başladıqları siniflərə daxil olub balacalarla ünsiyyətdə oldular. Şirkətin ictimaiyyətlə əlaqələr departamentinin rəhbəri Əziz Axundov ilk olaraq balacaları məktəbə qədəm qoymaları münasibətilə təbrik etdi, gələcək təhsillərinin uğurlu olmasını arzuladı. O, qeyd etdi ki, "Nar” ilk dərs gününün sevincini məktəblilərlə bölüşməyə gəlib və hədiyyələri də var. Uşaqların pozitiv əhvalına bir də hədiyyələr rəng qatdı. Üzlərinə baxanda hədiyyəni çox bəyəndiklərini hiss etməmək mümkünsüz idi. Ancaq yenə də hədiyyələrlə bağlı öz təəssüratlarını da alaq.

“Nar”ın uşaqların üzündə yaratdığı təbəssüm - Fotolar


İlk olaraq birinci sinif şagirdi Səkinə Qurbanova ilə danışdıq. Səkinə hədiyyələrini açıb hamısını masanın üzərinə yığmışdı. Ən çox nəyi bəyəndiyini soruşduq. Deyir ki, çantanın dolu olması daha çox xoşuna gəlib: "Çanta qəşəngdir, rəngi də sevdiyimdir, çəhrayı. Amma ən çox içindəkiləri sevdim. Hər şey var, buna görə, daha çox xoşuma gəldi”.

“Nar”ın uşaqların üzündə yaratdığı təbəssüm - Fotolar


Növbəti müsahibimiz Murad oldu. Murad Səməd Vurğunun "Azərbaycan” şeirini dedikdən sonra hədiyyələrdən ağız dolusu danışdı: "Bu hədiyyə xoşuma gəldi. Evdə də çantam var idi. Amma bu, daha çox xoşuma gəldi. İçində də hər şey var. Hələ baxın, qələmi iki dənə qoyublar”.

“Nar”ın uşaqların üzündə yaratdığı təbəssüm - Fotolar


"Atamın adı Rasimdir, amma mən babamın qızıyam” deyən Erzi Şahbalayeva da hədiyyəsini çox bəyəndiyini dedi: "Çanta da qəşəngdir, rəngi də, üstündəki şəkil də. Əllə tutub yerlə aparmaq da olur. İçində hədiyyə çoxdur, hamısına baxa bilməmişəm, bir-bir açıram. Evdə hamısına daha yaxşı baxacağam”.

“Nar”ın uşaqların üzündə yaratdığı təbəssüm - Fotolar


Onların hədiyyələri ilə başı qarışmışkən, müəllimləri Zərnigar Cəfərova bizimlə söhbət etdi. Dedi ki, uşaqlarda hər bir məktəb ləvazimatı olanda, bu, onlara çox kömək edir: "Bu aksiyanı təşkil edən hər kəsə təşəkkür edirəm. Mən maraqlanıram, bilirəm ki, "Nar”ın belə xeyriyyə tədbirləri çox olur. Bizim məktəbi də unutmur. Kəndimizdə də belə tədbir keçirmələri ilə şagirdləri, valideynləri sevindirirlər. Hər il "Texnologiya” dərsi üçün lazım olan ləvazimatların siyahısını yazıb uşaqlara verirəm ki, alsınlar. Görürəm ki, valideynlərin maddi imkanı çatmır. Birini alanda, birini də ala bilmirlər. Bu gün çantaya baxdım, ürəyim dağa döndü. İçərisində hər şey var. Uşaqlar isə bu diqqətin qarşılığını təhsilləri ilə verə bilərlər. Uşaqlar, üzlərindəki gülüş ilə "Nar”a təşəkkürlərini çatdırdılar”.

“Nar”ın uşaqların üzündə yaratdığı təbəssüm - Fotolar


Məktəbin direktoru Valeh Niftiyev söhbətə rəhbərlik etdiyi tədris ocağında "Nar”ın bu ilin əvvəlində yaratdığı elektron kitabxana ilə başladı. Bildirdi ki, şagirdlərin həmin kitabxanaya marağı böyükdür: "Nar” bizim məktəbdə ilk dəfə 500-dən çox kitab və elektron kitabxanaya giriş imkanı yaradan müasir kompüterlər hədiyyə etməklə, kitabxananı yenilədi. Bu, şagirdlərimizə çox maraqlı gəldi. Bu dəfə isə "Nar” "Bilik Günü”ndə birincilərin görüşünə gəldi. Bu cür diqqət uşaqların dərsə, məktəbə marağını daha da artırır. Kitabxana ilə bağlı yenilik olanda, kitabla maraqlananların, oxuyanların sayı çoxalır. Bu dəfə isə çanta və məktəb ləvazimatları hədiyyə edildi. İndi uşaqlar oradakı hədiyyələrin dərsdə tətbiqini gözləyəcəklər ki, istifadə etsinlər. Bunlar da təbii ki təhsillərinə öz töhfəsini verəcək”.

“Nar”ın uşaqların üzündə yaratdığı təbəssüm - Fotolar


Direktor qeyd etdi ki, yeni dərs ili başlayanda uşaqlar üçün lazım olan hər şeyi almaq bəzən valideynlərin maddi imkanı xaricində olur: "Kənd adamlarıdır, əsas dolanışıq yeri təsərrüfatlarıdır. Bu da çox gəlirli iş deyil axı. Düzdür, müəllim, həkim, başqa sahələrdə çalışan valideynlər də var, amma başqaları üçün uşağın hər istədiyi şeyi almaq çətindir. Yeni dərs ili başlayanda isə valideynlərin xərcinin necə olduğu hər kəsə məlumdur. Elə ailələr var ki, bir yox, bir neçə uşağı məktəbə gedir. Biri uşağın hər istədiyini alırsa, beşi ala bilmir. Bu dəstəyə görə, müəllimlər, şagirdlər, valideynlər adından "Nar”a təşəkkür edirəm”.

“Nar”ın uşaqların üzündə yaratdığı təbəssüm - Fotolar



Məktəbin həyətinə düşürük, dərs saatı olduğu üçün həyətdə ən çox birinci siniflərin valideynlərini gördük. Ən azı övladları qədər həyəcanlı, sevincli idilər. Onlar arasında nəvəsini gözləyən nənələr də az deyildi. Onlardan biri də Qızılgül Məmmədova idi. Bizə yaxınlaşıb öz təəssüratlarını bölüşdü: "Keçən dəfə müəllim uşağa, dərsdən əlavə vəsait almağı tapşırmışdı. Maraqlandım, ikisi xeyli pul edirdi. Məktəbdir, daim nəsə lazım olur. Uşaq da valideynin, nənə-babanın üstünə gedir. İndi imkanı olanlar var ki, hər şeyi ala bilirlər, ancaq elə ailələr olur ki, çatdırıb ala bilmir. Uşaq da məktəbdə utanır, yaxud nədəsə geri qalır. "Nar”ın uşaqların ilk dərs günündə belə hədiyyə ilə gəlməsi çox sevindiricidir. Şirkətin hədiyyəsinin biri də mənim nəvəmə verildi. Uşaqlar da valideynlərin, nənə-babalarının, müəllimlərin, dəstək olan hər kəsin zəhmətini itirməsinlər, dərslərini yaxşı oxusunlar”.

“Nar”ın uşaqların üzündə yaratdığı təbəssüm - Fotolar
















Oxşar xəbərlər

"BAKUBUS" lardan razısınız?


Cəmi səslər: 189