Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Tofiq Musayev Yaponiyada avstraliyalı rəqibini nokauta saldı - VİDEO

Azərbaycanlı MMA döyüşçüsü Tofiq Musayev (-71 kq) ardıcıl 12-ci qələbəsini qazanıb.

Dərc edilib: 12 oktyabr 2019 [14:19]
Baxış sayı: 1291

İnterpress.az xəbər verir ki, o, Yaponiyanın Rizin Döyüş Federasiyasının təşkil etdiyi “Rizin-19” Qran-Prisində avstraliyalı Damyen Braunla qarşılaşıb.

Osaka şəhərində rinqdə keçirilən döyüşdə idmançımız elə birinci raundda rəqibini məğlub edib. O, 4 dəqiqə 14 saniyəyə rəqibini küncə sıxışdıraraq sağ və sol yumruq zərbələri ilə yerə sərib.

Beləcə, hakim görüşü dayandıraraq qələbəni Tofiqə verib. Bu, 29 yaşlı Tofiq Musayevin 19 görüşdə 16-cı qələbəsi olub. 34 yaşlı Damyen Braun isə 32-ci döyüşündə 13-cü məğlubiyyəti ilə üzləşib.

Qeyd edək ki, Tofiq Musayevə bu qələbəyə görə kubok verilib. O isə ingiliscə çıxış edərək təşkilatçı ölkə Yaponiyaya təşəkkür edib. Bununla da Tofiq Musayev yüngül çəkidə turnirin qalibi olmaq üçün yarımfinala vəsiqə qazanıb.








Oxşar xəbərlər

"BAKUBUS" lardan razısınız?


Cəmi səslər: 193