Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Dünya Şahmat Tacı uğrunda görüşü keçirməyə namizəd şəhərlər açıqlanıb

Argentina və Birləşmiş Ərəb Əmirlikləri (BƏƏ) 2020-ci ildə dünya şahmat tacı uğrunda görüşü keçirməyə namizədliklərini irəli sürüb. 

Dərc edilib: 5 noyabr 2019 [11:15]
Baxış sayı: 1125

Argentina və Birləşmiş Ərəb Əmirlikləri (BƏƏ) 2020-ci ildə dünya şahmat tacı uğrunda görüşü keçirməyə namizədliklərini irəli sürüb.

İnterpress.az məlumatına görə, bu barədə Beynəlxalq Şahmat Federasiyasının (FIDE) prezidenti Arkadi Dvorkoviç açıqlama verib.

Həmin görüşdə üz-üzə gələcək şahmatçılardan biri hazırkı dünya çempionu, norveçli Maqnus Karlsen olacaq. O, 2020-ci ilin mart - aprelində Rusiyanın Yekaterinburq şəhərində təşkil olunacaq İddiaçılar Turnirinin qalibi ilə görüşəcək. Həmin turnirin iştirakçılarından biri Azərbaycan təmsilçisi Teymur Rəcəbov olacaq.

Qeyd edək ki, Maqnus Karlsen 2013-cü ildə Hindistan şahmatçısı Vişvanatan Anandı yenərək, dünya şahmat tacına yiyələnib. O, 2014-cü ildə Rusiyanın Soçi şəhərində Anand, 2016-cı ildə ABŞ-ın Nyu-York şəhərində rusiyalı Sergey Karyakin və 2018-ci ildə Böyük Britaniyanın paytaxtı Londonda ABŞ təmsilçisi Fabiano Karuana üzərində qələbə sayəsində titulunu qoruyub.






Oxşar xəbərlər

"BAKUBUS" lardan razısınız?


Cəmi səslər: 201