Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Ekspert: Xaricdə yaşayan azərbaycanlılara yüksək statuslu imtiyazlar veriləcək

"Özünü Azərbaycanlı sayan, Azərbaycan SSR-in və Müstəqil Azərbaycan respublikasının vətəndaşı olmuş, hal-hazırda xarici ölkə vətəndaşı olan həmvətənlərimizə "soydaş vəsiqəsi" veriləcək".

Dərc edilib: 4 dekabr 2019 [16:42]
Baxış sayı: 4811

"Özünü Azərbaycanlı sayan, Azərbaycan SSR-in və Müstəqil Azərbaycan respublikasının vətəndaşı olmuş, hal-hazırda xarici ölkə vətəndaşı olan həmvətənlərimizə "soydaş vəsiqəsi" veriləcək".

Bunu "Report"a açıqlamasında Azərbaycan Diasporu İnformasiya Mərkəzinin sədri, diaspor məsələləri üzrə ekspert Toğrul Allahverdili deyib.

Onun sözlərinə görə, bununla bağlı qəbul olunacaq qanun layihəsi xarici ölkə vətəndaşı olan lakin özünü azərbaycanlı sayan hər kəsə şamil olunacaq: "Azərbaycan da dünya təcrübəsindən yararlanaraq özünü azərbaycanlı sayan hər kəsə müxtəlif imtiyazlar verməyi düşünür. Məsələn, soydaş vəsiqəsi veriləcək şəxslər və onların ailələri 90 gün ərzində Azərbaycana vizasız gəlib qala biləcəklər. Həmçinin, onlar Azərbaycanın ali məktəblərində dövlət hesabına təhsil ala biləcək. Azərbaycana investisiya qoyan soydaşlarımız da xarici vətəndaşlarla eyni tutulmayacaqlar. Soydaş vəsiqəsindən yararlanan həmvətənlərimiz Azərbaycanda əmək fəaliyyəti ilə məşqul olarlarsa, o zaman onlar əmək miqrantı icazəsinə ehtiyac duymayacaqlar, yəni belə bir icazəni almaqdan azad ediləcəklər".

Qeyd edək ki, hazırda xaricdə yaşayan Azərbaycan əsilli şəxslər üçün yüksək statuslu imtiyazların olduğu qanun layihəsi hazırlanır. Diasporla İş üzrə Dövlət Komitəsinin hazırladığı "Xaricdə yaşayan soydaşlar və diaspor təşkilatları haqqında" qanun layihəsində "soydaş" anlayışı müəyyən edilib.


İnterpress.az






Oxşar xəbərlər

"BAKUBUS" lardan razısınız?


Cəmi səslər: 208