Hazırda \”Bakı Gəmiqayırma Zavodu\”nda 6 gəminin inşası həyata keçirilir.
İnterpress.az xəbər verir ki, bunu jurnalistlərə Zavodun baş meneceri İmanverdi Həsənov deyib.
\”Bu gəmilərdən 4-ü tanker tipli, 2-i isə bərə gəmisidir. Tankerlərin birinin qiyməti 14 mln. dollar, \”Ro-Pax\” tipli gəmi-bərələrin qiyməti isə 41 mln. dollara başa gəlir\”.
İ.Həsənovun sözlərinə görə, gələcəkdə Zavod digər ölkələr üçün də gəmi tikintisi həyata keçirə bilər.
O, həmçinin əlavə edib ki, hazırda zavodda 1 390 nəfərə yaxın yerli işçi, 200 nəfərə yaxın isə podratçı şirkətlərin xarici işçiləri çalışır: \”Təxminən ümumi işçi qüvvəsinin 5%-i xaricilərdir\”.
İnterpress.az