2020-ci ildə qlobal problemlərin həllində daha əhəmiyyətli rolu kansler Angela Merkel, Rusiya lideri Vladimir Putin, həmçinin Fransa Prezidenti Emmanuel Makron oynayacaq.
“Welt am Sonntag” nəşrinin məlumatına görə, bu barədə “YouGov” institutu Almaniya əhalisi arasında keçirdiyi sorğunun nəticələrinə əsasən bəlli olub.
Sorğunun nəticələrinə görə, respondentlərin 22 faizi Merkelin, 20 faizi Putinin, 19 faizi isə Makronun 2020-ci ildə böyük xarici-siyasi problemlərin həllində fəallıq göstərəcəyini bildirib.
Sorğu iştirakçılarının 16 faizi bu mənada ABŞ Prezidenti Donald Trampı, 12 faizi isə Avropa Komissiyasının rəhbəri Ursula Fon der Lyayeni ön planda gördüyünü qeyd edib.
İnterpress.az
