Gəncə Elektrik Şəbəkəsi sahibkarın fəaliyyətinı süni əngəllər yaradır?-ŞİKAYƏTbackend

Gəncə Elektrik Şəbəkəsi sahibkarın fəaliyyətinı süni əngəllər yaradır?-ŞİKAYƏT

  • whatsapp
  • messenger
  • telegram
  • vkontakte
  • odnoklassniki

Gəncə şəhəri, Atatürk prospekti 269, mənzil 30 ünvanda yaşayan və şəhərdə fəaliyyət göstərən iş adamı Novruzov Əli Məhəmmədəli oğlu Azərbaycan Respublikasının Prezidenti İlham Əliyevə müraciət edib.

İş adamı ölkə başçısına Tia.az-a göndərdiyi müraciətində Azərİşıq ASC-nin “Qərb” Regionunun Gəncə Elektrik Şəbəkəsinin baş mühəndisi Ramiz Allahverdiyevin bir sahibkar kimi onun fəaliyyətinə yaratdığı süni əngəllər haqqında məlumat verərək, kömək istəyir.

Qeyd edək ki, məktubun sürəti Azərbaycan Respublikasının Birinci Vitse-prezidenti Mehriban xanım Əliyeva, Energetika naziri Pərviz Şahbazov, Baş prokuror Zakir Qaralov və “Azərişıq” ASC-nin sədri vəzifəsini icra edən Vüqar Əhmədova ünvanlanıb.

Interpress.az iş adamının müraciətini təqdim edir:

Möhtərəm Cənab Prezident! Siz davamlı şəkildə iş adamlarının sahibkarlıq fəaliyyətinə qanunsuz şəkildə məmurların maneçilik törətməsi haqqında, müvafiq dövlət orqanlarına öz göstərişinizlərini verirsiniz. Ancaq bəzi dövlət məmurları Sizin tapşırıqlarınızdan özlərinə heç bir ibrət götürmürlər. Sizin tapşırıqlarınıza əməl etməyən, məmurlardan biri də “Qərb” Regionunun Gəncə Elektrik Şəbəkəsinin baş mühəndisi Ramiz Allahverdiyevdir. R.Allahverdiyev mənim xırda sahibkarlıq fəaliyyətimə qəsdən maneçilik törədərək, xidmət göstərdiyim sahədə fəaliyyətimi (elektrik enerjisini kəsməklə) iflic hala salıbdır.

Bildirirəm ki, Gəncə şəhəri, Gülüstan qəsəbəsində Nizami rayon İcra hakimiyyətinin sərəncamı əsasında özümə 100 kv.m-də maşın yuma stansiyası tikdim.Əvvəla maşın yuma stansiyasının elektrik enerjisini “generator” vasitəsi ilə ödəyirdim. Çünki, mən Elektrik Şəbəkəsinə müraciət etdikdə mənə bildirdilər ki, sənin obyekt yüksək gərginlik xəttinin altındadır, sənə “texniki şərt” verib obyektə elektrik enerjisi vermək olmaz. Amma eyni yüksək gərginlik xəttinin altında mənim obyektimin yanında 10-la obyekt var ki, həmin obyektlərə texniki şərt verilib, elektrik enerjisi çəkilib, sayğac qoyulub.

Mən isə öz növbəmdə obyektimin arxasında mənə məxsus məhlə evimə texniki şərt alaraq, elektrik xətti çəkdirib sayğac qoyaraq, həmin evimdən də öz sayğacımdan sahibkarlıq fəaliyyəti göstərdiyim obyektə elektrik xətti çəkdim. İşə başladım və elektrik enerjisinin, bütün kommunal xidmət və vergiləri ödədim. 13.12.2019-cu il tarixdə Ramiz Allahverdiyev heç bir xəbərdarlıq etmədən, mənim evimə gələn və dövlət tərəfindən verilmiş texniki şərti olan həmin elektrik xəttimi evimdən ayıraraq, mənim sahibkarlıq fəaliyyətimi iflic etmişdir. Baxmayaraq ki, mən bu texniki şərtin alınması üçün müvafiq rüsum ödəmişəm.

Ramiz Allahverdiyevin bu əməlinin nəticəsidir ki, biz dövlətə və başqa təşkilatlara ödənişlərimizi edə bilmirik, eyni zamanda mən və daha iki nəfəri işsiz qalıb. Mən dəfələrlə R.Allahverdiyevdən elektrik enerjisini verilməsini hansı səbəbdən dayandırdığı soruşam, ondan bununla bağlı müvafiq sənəd tələb etsəm də o mənə sənəd təqdim etməkdən imtina edir. O bildirir ki, sən evindən, texniki şərti olmayan obyektinə elektrik enerjisi vermisən və bu səbəbdən elektrik xəttin kəsilib. Onun iddiasına görə, mənim texniki şərtim yalnız ev üçündür. Mən isə ona bildirdim ki, mən evimə texniki şərt alıb, elektrik xətti çəkəndə Gəncə Elektrik Şəbəkəsinin bütün əməkdaşları bilirdi ki, mən məlum obyekti işlətmək üçün həmin xətti çəkirəm. Artıq bir neçə ildir ki, bu formada fəaliyyət göstərmiş və elekrtik enerjisinin pulunu ödəmişəm. Eyni zamanda Ramiz Allahverdiyevdən soruşdum ki, niyə onlarla yüksək gərginliyin altında yerləşən obyektlərə texniki şərt verərək, elektrik xətti çəkmisiniz? Niyə məhz mənə texniki şərt verəndə qanun pozulur, ancaq başqalarına, həmin sahədə eyni şəraitdə texniki şərt veriləndə qanun pozulmurmu?

R.Allahverdiyev bildirdi ki, məsələni onun rəhbərliyi ilə həll etməliyəm. Bildirmək istəyirəm ki, elektrik enerjisinin qiyməti vahid rəqəmlə tənzimlənir.

Möhtərəm Cənab Prezident! Biz və ailəmiz daima Ulu Öndər Heydər Əliyev ideyalarına və Sizin siyasi kursunuza sədaqətlə bağlı olmuşuq. Yazaraq Sizdən xahiş edirəm imzaladığınız qanunları icrasına əngəl yaradan, Gəncə Elektrik Şəbəkəsinin bəzi məmurlarının qanunsuz əməllərinin yoxlanılaraq, onların haqqında qanuna müvafiq ölçü götürülməsi haqqında səlahiyyətli dövlət orqanlarına tapşırıq verəsiniz. (Tia.az)

İnterpress.az