Bu gün səhər saat 05.50-də Qobustan stansiyasının ərazisində \”Azərişıq\” ASC-yə məxsus transformatorda yanğın olub.
İnterpress.az xəbər verir ki, yanğının söndürülməsinə FHN-in ərazi üzrə yanğınsöndürmə maşınları, Biləcəri və Hacıqaqbul yanğınsöndürmə qatarları cəlb edilib. Saat 08:30-da yanğın söndürülüb.
Hadisə nəticəsində xəsarət alan olmayıb, qatarların hərəkətində fasilə yaranmayıb. Yanğına texniki nasazlıq səbəb olub.
Hadisənin təfərrüatı və başvermə səbəbləri araşdırılır.
İnterpress.az
