Bizi Facebook`da izləyin

20 saniyəyə bağlanır... Bağla

Haqqımızda

Əlaqə



“Qüsursuz hərbi xidmət keçmiş zabitlər evlə təmin olunur” - ŞƏRH

“Azərbaycanda 20 il qüsursuz hərbi xidmətdə olmuş zabitlər evlə təmin edilir. Dövlət evsiz olan zabitlərin aylıq kirayə haqqını ödəyir. Hər ay həmin şəxslərin kirayə haqları verilir”.

Dərc edilib: 14 fevral 2020 [11:02]
Baxış sayı: 6810

“Azərbaycanda 20 il qüsursuz hərbi xidmətdə olmuş zabitlər evlə təmin edilir. Dövlət evsiz olan zabitlərin aylıq kirayə haqqını ödəyir. Hər ay həmin şəxslərin kirayə haqları verilir”.

Report xəbər verir ki, bunu Milli Məclisin deputatı Nəsib Məhəməliyev deyib.

Onun sözlərinə görə, ehtiyata buraxılmış zabitlərin evlə təmin olunması ilə bağlı daha əvvəl qanun qəbul edilib:


“Qanunun icrası ilə bağlı bəzi obyektiv səbəblərdən ləngimə prosesləri gedir. Obyektiv səbəblər nədir? Bilirsiniz ki, məcburi köçkünlərin köçürülməsi çox sürətlə həyata keçirilir. Yəni onların mənzil şəraitinin yaxşılaşdırılması ilə bağlı işlər davam etdirilir.

Ötən il altı mindən çox bu kateqoriyadan olan insanlara yeni mənzillər verildi. Həmçinin, Qarabağ əlilləri və şəhid ailələrinə də yeni evlər verilir. Hesab edirəm ki, növbəti illərdə də ehtiyata buraxılmış zabitlərin mənzil şəraiti yaxşılaşacaq.

Yəni bunların bir balaca zamana ehtiyacı var. Çünki uşaq bağçalarında, təhsil müəssisələrində və yataqxanalarda məskunlaşmış məcburi köçkünlərin, Qarabağ əlillərinin təminatı ilə bağlı, ola bilsin ki, ləngimələr olsun”.

N.Məhəməliyev bildirib ki, ölkəmiz müharibə şəraitindədir, ordunun saxlanılması üçün ən müasir silahlarla təchiz olunması üçün milyardlarla vəsait xərclənir:

“Bu məsələlərə görə də ehtiyata buraxılmış zabitlərin mənzil şəraiti ilə təmin olunmasında bir balaca ləngimələr var. Tam məsuliyyətlə deyirəm ki, evlə təmin olunmayan zabitlərə dövlət hər ay kirayə haqqı ödəyir. Eyni zamanda, ehtiyata buraxılmış zabitlərə ev verilir. Bunun əksini iddia etmək qətiyyən doğru deyil. Sadəcə, gözləmək, səbr etmək lazımdır”.


OnlıinePress.az






Oxşar xəbərlər

"BAKUBUS" lardan razısınız?


Cəmi səslər: 234