Monqolustan Prezidenti Xaltmaaqiyn Battulqa koronavirus infeksiyası ilə əlaqədar karantinə alınıb.
Bu barədə “Anadolu” agentliyi xəbər yayıb.
Bildirilir ki, dövlət başçısı Çindən səfərdən qayıtdıqdan sonra belə bir qərar alınıb.
Prezidentlə birlikdə onu müşayiət edən nümayəndə heyətinin bütün üzvləri, o cümlədən XİN rəhbəri Damdin Tsogtbatar 14 gün müşahidə altında saxlanılacaq.
Bu müddət ərzində prezident və nazir paytaxtın Bayanzurx rayonunda qalacaq. Digərləri isə Jargalant sanatoriyasına yerləşdirilib.
Qeyd edilir ki, prezident Çindən fevralın 27-də qayıdıb. Səfər çərçivəsində o, çinli həmkarı Si Cinpinlə görüşüb. Həmçinin, o koronavirusla mübarizədə dəstəyini ifadə etmək üçün Çinə 30 min qoyun hədiyyə edib.
İnterpress.az
