VHP-nin sədr müavini vitse-spiker oldu – Fəzail İbrahimli kimdir?backend

VHP-nin sədr müavini vitse-spiker oldu – Fəzail İbrahimli kimdir?

  • whatsapp
  • messenger
  • telegram
  • vkontakte
  • odnoklassniki

Milli Məclisin yeni tərkibdə bu gün keçirilən ilk iclasında Vətəndaş Həmrəyliyi Partiyasının sədr müavini Fəzail İbrahimli vitse-spiker seçilib.

Interpress.az xəbər verir ki, bununla da Parlametin rəhbərliyi tam formalaşıb.

Spiker Sahibə Qafarova, birinci vitse-spiker Ili Hüseynli, spikerlər isə Adil Əliyev və Fəzail İbrahimli olub.

Fəzail İbrahimli kimdir?

Fəzail İbrahimli 1951-ci ildə Yardımlı rayonunun Çanaqbulaq kəndində anadan olub.

Azərbaycan Pedaqoji Universitetinin Tarix fakültəsində ali təhsil F.İbrahimli 1973-1977-ci illərdə Yardımlı rayonunun Çanaxbulaq kənd məktəbində müəllim işləyib.

1979-1982-ci illərdə Bakı Dövlət Universitetinin əyani şöbəsində aspirant, 1982-ci ildən Bakı Dövlət Universitetində Kommunist Partiyası Tarixi kafedrasında müəllim, baş müəllim, dosent vəzifələrində çalışıb. Hazırda Azərbaycan Tarixi kafedrasının professorudur.

1986-cı ildə namizədlik, 1998-ci ildə doktorluq dissertasiyasını müdafiə edib.

1992-ci ildən Vətəndaş Həmrəyliyi Partiyasının üzvü olan İbrahimlinin bir monoqrafiyası, bir kitabı, bir dərsliyi və 60-a qədər elmi məqaləsi var.

2000, 2005, 2010, 2020-ci illərdə keçirilən parlament seçkilərində Vətəndaş Həmrəyliyi Partiyasından Milli Məclisə üzv seçilib.

Qeyd edək ki, müxalifətdən olan deputatın vitse-spiker seçilməsi ilk dəfədir.