Yeni Azərbaycan Partiyası (YAP) koronavirus infeksiyasının yayılmasının qarşısının alınması ilə bağlı Azərbaycan Prezidentinin tapşırığı əsasında hökumətin həyata keçirdiyi tədbirləri yüksək qiymətləndirir.
YAP-ın Mətbuat Xidmətinin məlumatına görə, partiyanın bütün strukturları bu ümumxalq mübarizəsinə cəlb edilib, onlara müvafiq göstərişlər verilib.
YAP Azərbaycan Prezidenti İlham Əliyevin 19 mart tarixli Sərəncamı ilə “Koronavirusla Mübarizəyə Dəstək Fondu”nun yaradılmasını dünyanı lərzəyə salan qorxulu infeksiyanın qarşısının alınmasında mühüm addım hesab edərək, Fonda 200 min manat məbləğində vəsait ödəməyi qərara alır.
Bundan əlavə, partiyanın bütün yerli strukturlarına və üzvlərinə “Koronavirusla Mübarizəyə Dəstək Fondu”na imkanları daxilində dəstək göstərmək tövsiyə olunub.
İnterpress.az
