İnterpress.az Xəzərxəbər-ə istinadən xəbər verir ki, burda ilkin olaraq dənizdən tutulan balıqlar satışa çıxarılıb. Satıcıların sözlərinə görə, qiymət digər bazarlarla müqayisədə ucuzdur.
7 hektar ərazidə salınan kompleksdə balıq istehsalı üçün açıq və qapalı tipli fermanın tikintisi davam etdirilir. Fermada il ərzində 150 ton nərəkimilər cinsindən olan balıq və 4 ton qara kürü istehsal olunacaq.
Qapalı tipli balıq fermasında yetişdirilən balıqlar topdan satış qiymətinə satılacaq.
Balıqyetişdirmə fermalarının bu il ərzində istifadəyə verilməsi planlaşdırılır.Vətəndaşların rahatlığı üçün Kompleksin ətrafındakı sahil zonası abadlaşdırlıb,ərazi yaşıllaşdırılaraq park salınıb.
İnterpress.az
