Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Ekspert: “Azərbaycan enerji resurslarının istehsalını artırmaq imkanı qazanıb”

İqtisadçı-ekspert Vüqar Bayramov deyir ki, BP kimi şirkətlərin prosesə cəlb edilməsi təkcə investitsiya cəlb olunması baxımından deyil, eyni zamanda innovasiyaların cəlb edilməsi üçün vacibdir.


Dərc edilib: 4 may 2018 [11:53]
Baxış sayı: 33344

“Azərbaycanla BP arasında yeni müqavilənin imzalanması Xəzərdə neft hasilatının artırılması məqsədi daşıyır”. İnterpress.az xəbər verir ki, bunu SOCAR və BP arasında imzalanmış yeni pay bölgüsü müqaviləsini Sputnik Azərbaycan-a şərh edərkən iqtisadçı-ekspert Vüqar Bayramov deyib.
Ekspertin sözlərinə görə, burada məqsəd BP-nin iştirakı ilə daha çox neftin dünya bazarına çıxarılmasını təmin etməkdir: “Yeni anlaşmada enerji resurslarının istehsalı nəzərdə tutulur. Nəticədə Azərbaycan BP-nin investisiyasını cəlb etməklə enerji resurslarının istehsalını artırmaq imkanı qazanacaq. BP kimi şirkətlərin prosesə cəlb edilməsi təkcə investisiya cəlb olunması baxımından deyil, eyni zamanda yeni innovasiyaların cəlb edilməsi üçün vacibdir. Azərbaycan və BP arasında əməkdaşlığın modeli müəyyən olunub. Azərbaycan investisiya yatırımı baxımından cəlbedici ölkədir”.

Aprelin 26-da Prezident İlham Əliyevin Böyük Britaniyaya səfəri çərçivəsində Azərbaycan Respulikası Dövlət Neft Şirkəti (SOCAR) və BP arasında Xəzər dənizinin Azərbaycan sektorunda Şimali Abşeron hövzəsindəki D230 blokunun birgə kəşfiyyatı və işlənməsi üçün hasilatın pay bölgüsü haqqında yeni saziş (HPBS) imzalanıb.

İnterpress.az









Oxşar xəbərlər

"BAKUBUS" lardan razısınız?


Cəmi səslər: 165