Bizi Facebook`da izləyin

20 saniyəyə bağlanır... Bağla

Haqqımızda

Əlaqə



Londonda Azərbaycan Xalq Cümhuriyyətinin 100 illiyi ilə bağlı tədbir keçirilib

Londonda Yunus Emre İnstitutunda “Cümhuriyyətin 100-cü ildönümündə Bakı müharibəsi” adlı tədbir keçirilib.

Dərc edilib: 18 may 2018 [16:00]
Baxış sayı: 42648

İnterpress.az xəbər verir ki, tədbirdə Azərbaycanın Böyük Britaniya və Şimali İrlandiya Krallığındakı səfiri Tahir Tağızadə də iştirak edib.

1918-ci ildə Bakıda baş verən hadisələr haqqında çıxış edən London Kollec Universitetinin (UCL) Tarix fakültəsində magistri Turan Qafarlı bildirib ki, Bakı müharibəsinin 100 illiyinin yaxınlaşdığı ərəfədə bir azərbaycanlının İngiltərədəki arxiv materialları ilə bu mövzuda çıxış etməsi çox vacibdir. T. Qafarlı Britaniya Kitabxanasında tapdığı, Atatürk Türkiyəsinin Azərbaycan Xalq Cümhuriyyəti ilə əlaqələrindən bəhs edən sənədi də nümayiş etdirib.

Tədbirdə Rusiya, Fransa və İngiltərə arxivlərində olan materiallar əsasında 1918-ci il hadisələri, Bakıda baş verən proseslər, Şərqdə ilk demokratik respublikanı qurulması, Qafqaz İslam Ordusunun, Nuru paşanın proseslərdəki rolu, Azərbaycan xalqının keçdiyi yol və s. məqamlardan bəhs olunub. İndiyədək heç yerdə nümayiş olunmayan arxiv materialları təqdim olunub.

Tədbirin sonunda suallar cavablandırılıb. (apa)
Londonda Azərbaycan Xalq Cümhuriyyətinin 100 illiyi ilə bağlı tədbir keçirilib


İnterpress.az






Oxşar xəbərlər

"BAKUBUS" lardan razısınız?


Cəmi səslər: 176