Azərbaycan təbii qazını Türkiyəyə, oradan da Avropaya nəql edəcək Trans-Anadolu Boru Qaz Kəmərinin (TANAP) açılışı mərasimi oldu.
İqtisadçı ekspert Fariz Quliyev Sputnik Azərbaycan-a deyir ki, TANAP layihəsi Azərbaycanın tranzit ölkələr boyunca iqtisadi, strateji əhəmiyyətini artırır, ölkəmizin regionda dominatlığını təmin edir:
“Bu layihə sosial lisenziya qazanıb. Avropa Birliyi tərəfindən bu layihənin dəstəklənməsi Azərbaycanın əhəmiyyətinin növbəti onilliklərdə qorunmasına böyük töhfə vermiş olur. TANAP və TAP layihələri Azərbaycanın növbəti 20-30 ildəki uğurunun göstəricisidir. Bu layihələr Azərbaycanın ticarət əlaqələrinin genişlənməsinə, ölkəmizə kapital axınının artımına böyük imkanlar yaratdığı üçün tarixi nailiyyətimizdir”.
İnterpress.az
