Bizi Facebook`da izləyin

20 saniyəyə bağlanır... Bağla

Haqqımızda

Əlaqə



"Virusla Mübarizəyə Dəstək Fonduna pul köçürməyə hazırıq" - Ramin Əhmədov

"Bu fonda imkanı olan hər bir azərbaycanlı dəstək olmalıdır. Mən də öz növbəmdə bank hesabı açılan kimi Fonda pul köçürəcəm".

Dərc edilib: 20 mart 2020 [00:29]
Baxış sayı: 18617

"Yeni növ koronavirus dünyanı cənginə alıb. Mükəmməl iqtisadi sistemə malik olan dövlətlər bu virusla mübarizədə böyük çətinliklərlə üzləşirlər. Çünki ilk aylarda bir çox dövlətlər virusla düzgün mübarizə metodları seçmədilər. Amma Azərbaycanda virusun yayılmasının qarşısı almaq üçün bütün zəruri tədbirlərə vaxtında əl atıldı. Koronavirusla mübarizə məqsədi ilə təhsil müəssisələri bağlandı, xüsusi rejim tətbiq olundu və Bakıya giriş-çıxışda xüsusi qaydalar elan edildi. Həmçinin ölkə başçısı İlham Əliyev virusla mübarizəyə əvvəlcə 10 milyon, daha sonra 20 milyon manat pul ayırdı, virusla mübarizə tədbirlərində iştirak edən tibb işçilərinin sosial müdafiəsinin gücləndirilməsi haqında sərəncam imzaladı. Həmçinin prezident İlham Əliyev koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı 1 milyard manat pul ayırıb. Görülən tədbirlə sırasında Koronavirusla Mübarizəyə Dəstək Fondunun yaradılmasını xüsusi qeyd etmək lazımdır”.

İnterpress.az xəbər verir ki, bu sözləri Yeni Azərbaycan Partiyası Nizami rayon Təşkilatının sədr müavini Ramin Əhmədov prezident İlham Əliyevin koronavirusla mübarizəyə dəstək məqsədilə Fondun yaradılmasından danışarkən deyib.

Onun sözlərinə görə, Koronavirusla Mübarizəyə Dəstək Fondunun yaradılması yerində verilən qərardır: "Fərmanda da qeyd edildiyi kimi, dünyada yayılan yeni növ koronavirusun yaylma arealının genişlənməsi ölkəmizdə də bu xəstəliyə yoluxma hallarının qarşısının alınması məqsədilə müvafiq preventiv və profilaktik tədbirlərin gücləndirilməsini zəruri edir. Bu zərurətdən irəli gələn bütün tədbirlərə mütləq şəkildə dəstək verilməli, sosial həmrəylik nümayiş etdirməliyik. Bu təhlükədən ən az itki ilə çıxmağın yeganə yolu dövlət-vətəndaş birliyidir. Vətəndaş dövlətin müəyyən etdiyi qaydalara riayət etməli, özünün və yaxınlarının sağlamlığı naminə qaydaları pozmamalıdır. Ölkəmizdə koronavirusla mübarizə dünyanın aparıcı dövlətlərinə nümunə olacaq dərəcədə yaxşı təşkil olunub. Fondun yaradılması ilə bağlı imzalanan fərman isə dünyaya virusla mübarizənin ən mükəmməl təqdimatıdır”.

Koronavirusla Mübarizəyə Dəstək Fonduna pul köçürəcəyini deyən Ramin Əhmədov bildirib ki, imkanı olan hər bir azərbaycanlı dövlətin bu təşəbbüsünə dəstək olmalıdır: "Bu fonda imkanı olan hər bir azərbaycanlı dəstək olmalıdır. Mən də öz növbəmdə bank hesabı açılan kimi Fonda pul köçürəcəm. Belə həssas məqamda var gücümüzlə dövlətin yayında olmaq hər birimizin borcudur. Cənab Prezidentin də dediyi kimi, indi hər kəsdən həmrəylik və məsuliyyət tələb olunur”.






Oxşar xəbərlər

"BAKUBUS" lardan razısınız?


Cəmi səslər: 250